I dashuri i Bertinës, blen “Albpetrol”-in?!

TIRANE-Fillimisht
portreti i tij u publikua në media, si portreti i të dashurit të ri të
Bertinës, vajzës simpatike të “BB3”, lidhje kjo e cila nuk dihet në
funksionon ende, por që deri para dy muajsh ka funksionuar shumë mirë.
Më
vonë, me publikimin e këtyre fotove u zbulua se djaloshi simpatik ishte
Esad Pushkar, këshilltari i zv/kryeministrit të Kosovës, Behxhet
Pacollit, shrkuan sot suplementi i Gazeta Shqiptare, Bluetooth.

Po
dje, emri i Pushkarit u lakua në disa media si personi që përfaqësoi
firmën amerikane qe bleu “Albpetrol”-in me shumën marramendëse për 850
milionë euro.

“Vetro Silk Roud Equity” e Puskar
Vetëm
pak orë pas dorëzimit të ofertave, nisën edhe zërat që e quanin
surprizë ofertën e bërë nga konsorciumi pak i njohur, i përbërë nga
“Vetro” dhe ‘Silk Road Equity’. Mësohet se “Silk Road” është një fond
amerikan investimesh nga Çikago, ndërsa ‘Vetro’, një kompani me qendër
në Singapor, për të cilën ekzistojnë shumë të dhëna. Ndërsa u nënvizua
se asnjë prej subjekteve që përbëjnë konsorciumin nuk plotëson kriterin
për “përvojë më shumë se 5-vjeçare” në fushën e hidrokarbureve, kritikët
u përqendruan te personi që përfaqësonte “Vetro Silk Roud Equity” në
tenderin e djeshëm. Në tender konsorciumi përfaqësohej zyrtarisht nga
Essad Pushkar, një boshnjako-amerikan i njohur deri tani jashtë
Shqipërisë, veçanërisht në Kosovë. Deputeti socialist Erjon Braçe, e
përkufizonte dje Pushkarin në rrjetin social "Facebook", si person
kontrovers e me profile të shumta publike dhe si njeriun në qendër të
skandalit që shoqëroi zgjedhjen e Behxhet Pacollit president në Kuvendin
e Kosovës, më 22 shkurt të vitit të kaluar. Braçe nënvizonte, se ishte
pikërisht Pushkar pritësi i sms-ve të famshme mes Behxhet Pacollit dhe
ish- Ambasadorit Dell në çastet e zgjedhjeve të Kosovës. "Ky nuk është
privatizim, është më shumë se kaq. Ky mund të jetë një superskandal", -
vërente në "Facebook", Erjon Braçe. (shkeputur nga Gazeta Shqiptare)

(d.b/BalkanWeb)

hajt ta gzoje...