Pse gjithë kjo urrejtje mes komentuesve shqipfolës në virtualitet?

Duke shfletuar si
çdo ditë faqen e mikut tonë XXXX në facebook, më ra në sy shkrimi i
tij real me atë çka ndodh sot në të vërtetë në komunikimin mes njerëzve
në virtualitet, të cilën po e sjell këtu:

Burimi i temes eshte marr tek F..V

Sikur të shiheshim me vetvehten
sy më sy,
do të putheshim
apo kishim për t'u pështy?!

Këto janë vargjet e Azem Shkrelit, të cilave nuk po gjejmë dot guximin t'iu përgjigjemi.
Na mjafton vetëm të hapim një gazetë shqiptare online, një material në
ndonjë forum shqiptar, një video shqip në Youtube, një faqe shqiptare në
ndonjë prej rrjeteve sociale dhe përpara teje do të shfaqet një lumë i
rrëmbyer që transporton vrullshëm një fjalor banal rruge, me sharje,
ofendime, akuza, kërcënime, mallkime që kalojnë edhe kufijtë e
imagjinatës.
E gjitha kjo, zakonisht, në një shqipe të shkruar keq, nga njerëz pa
identitet apo me identitet të rremë, që kanë gjithë kohën dhe forcën e
duhur për të shkarkuar pa mëshirë të gjithë arsenalin e energjisë së
tyre negative.

Ndonjëherë edhe kur lajmi ose tema që diskutohet ka të bëjë me diçka
krejt të pafajshme, ose kur ka të bëjë me një lajm që nuk le vend qoftë
për 2 mendime të ndryshme, aty do të krijohen sigurisht kampe që
shfryjnë papushim të gjithë urrejtjen e tyre ndaj njëri-tjetrit.

Të duket sikur tashmë edhe mira dhe e keqja, e drejta dhe e gabuara,
virtyti apo vesi janë përzjerë aq shumë mes tyre, saqë është e pamundur
ti dallosh.
Përgjithsimet bëhen argumenta, shpifjet kthehen fakte, përbaltja modë.

Komente në shqip dhe prej emrash shqiptarë, që shfryjnë vrer ndaj
Shqipërisë e gjithçkaje shqiptare, vepra, art, kulturë, histori, figura
të shquara, simbole kombëtare etj, etj.
Aq të pranishme janë këto komente "tradhëtarësh", saqë ndonjëherë madje
të shkon mendja se shtetet tona fqinje punësojnë njerëzit e tyre të
komentojnë dhe ndysin rrjetet sociale shqiptare.
Fetarë që të kërcënojnë me vdekje, gangsterrë që të lënë vendin e
takimit, perversë që rrëmojnë në jetën tënde, maniakë që të sulmojnë e
klonojnë profilet e gjithçka tjetër e zezë çfarë mund të pjellë
urrejtja, padija, miopia...

Komunikimi nënkuptonte që do të shuante dyshimet tona, do të na bënte të
njiheshim më mirë, do kanalizonim dëshirat dhe qëllimet tona... Hë për
hë, urrejtja ka fituar.
Nuk ka asnjë iniciativë qytetarë që të krijohet e formohet prej rrjeteve
sociale shqiptare. Ka iniciativa dhe ide të shkëlqyera, të cilat
përbuzen, përbalten, përçmohen.

Kur del dhe hedh një shikim në realitet, vështirë të të shkojë mendja se
e ndan jetën tënde me mendje kaq të çoroditura e busull-humbur. Eshtë e
frikshme të mendosh se ky është realisht realiteti shqiptar, niveli yn
social-kulturor.

A mendoni se ka ardhur koha që ashtu siç ka disa ligje e rregullruajtës
në realitet, ka ardhur koha të vendosen edhe në këtë realitetin virtual
shqiptar?

Kalojmë një pjesë të mirë të kohës nëpër rrjetet sociale dhe nuk kemi
pse infektohemi të gjithë nga kjo urrejtje që vjen panjohur, nga të
gjitha drejtimet.

Shkroi: Stop Injorancës !

se di poor ndoshta mllefin dhe urrejtjen qe mund te ndjejn per dike ose per ndonje gje preferojn me mir ta shprehin nepermjet disa vargjeve qofshin edhe me rime..

pse jemi te asimilum skemi pas mundsi jemi kan te shtypur gjithmon per me u kulturu e me mesu ma shum me dit se nuk bon,por por porrrrrrrr

krejt popujt kan urrejtje ne boten virtuale sjemi te paret as te fundit
spaku neve na ka hije pak a shum

Americco shkruajti:pse jemi te asimilum skemi pas mundsi jemi kan te shtypur gjithmon per me u kulturu e me mesu ma shum me dit se nuk bon,por por porrrrrrrr

krejt popujt kan urrejtje ne boten virtuale sjemi te paret as te fundit
spaku neve na ka hije pak a shum

Keto jan fjalet më me mend qe kam lexu.

Ky robi eshte realist.

shpesh here i lexoj dhe une komentet qe bejne ne shqip,,,ne youtube psh,,,me duken debate qe nuk te nxjerrin asgjekundi,,,qe nuk ndikojne per ndryshim te mire tek bashkkomentuesi,,,po spati ndikim fjala ,komenti yt kot qe e shkruan,,,

Ata qe flasin keq per bashatdhetaret e vete,duan ti japin rendesi vetes se tyre.Duan te duken sikur dine dicka.Ne fakte jemi te gjithe nje lloje kudo qe jemi e nga vijme me prejardhje.