Interneti do flasë kinezçe, OKB: 2015, anglishtja jo gjuhë zyrtare

nga T_o_n_i Thu 27 Sep 2012 - 7:20

Interneti do flasë kinezçe, OKB: 2015, anglishtja jo gjuhë zyrtare

Gjuha zyrtare e internetit në vitin 2015, nuk do të jetë më anglishtja, por kinezçja.

Kjo tashmë nuk është më një hipotezë, por një fakt i pranuar nga vetë Organizata e Kombeve të Bashkuara, referuar pikërisht numrit tejet të lartë të përdoruesve të internetit me kombësi kineze.

I zbuluar në një raport konfidencial të OKB-së, duket se ky fakt ligjërohet edhe me fjalët e fundit të sekretarit të Përgjithshëm, Ban Ki-Moon.

“Broadband është një teknologji që mund të çojë në përparimin e të gjitha shtyllave të zhvillimit e prosperitetit të qëndrueshëm ekonomik, social, por edhe mjedisor”, mësohet të jetë shprehur ai.

Duke parashikuar një “tërmet” të vërtetë që po ndodh me gjuhët online, falë kjo rritjes së ritmeve aktuale të shtimit të atyre që flasin gjuhë të tjera, sidomos kinezçen.

Në këtë mënyrë, interneti pas 2-3 vitesh i bie që të mos jetë më në gjuhën e Shekspirit, Bill Gates apo Steve Jobs.

Por të miliona përdoruesve nga gjiganti aziatik, Kina.