Skandal në qendër të Tiranës, policët civilë përplasen me ata me uniformë. Shkaku: një gërvishtje makinash (VIDEO)

Një
ngjarje e pazakonte ka ndodhur pasditen e së enjtes në qendër të
Tiranës. Një gërvishtje e vogël e një makine ka prodhuar një sherr
banal, qe arriti deri në përdorimin e sendeve të forta e në dhunë
fizike, raporton Vizion Plus.

3 efektivë policie, të veshur civilë, të cilët po lëviznin me një
makine tip BMË me targa gjermane, kanë parakaluar me shpejtësi dhe kanë
gërvishtur një autobus që transportonte punonjësit e një firme private.

Sapo autobusi ka ndaluar në stacion, efektivet e policisë, që
dyshohet të jenë efektive të njësisë operacionale, kanë zbritur nga
makina dhe e kanë goditur shoferin me tytën e pistoletës, ndërsa kanë
thyer xhamat e autobusit.

Kanë qenë banorët e lagjes dhe kalimtarët e rastit që kanë njoftuar
policinë. Me të mbërritur në vendngjarje, forcat e rendit kanë dalë në
mbrojtje të shoferit të paarmatosur dhe kanë nisur të konfliktohen me
policët civile. Këta të fundit madje kanë nxjerrë edhe armët e zjarrit,
por fatmirësisht asnjë palë nuk ka qëlluar.

Gjithë konflikti ka zgjatur për rreth 30 minuta, duke shkaktuar panik
si dhe bllokim të trafikut. Nga dëshmitë e para mësohet se kanë mbetur
të plagosur lehtë 2 policë si dhe shoferi i autobusit, i cili mësohet se
është në gjendje më të rëndë.

Skandaloze nje gje shum e peshtir sesi policia e shtetit ton sulmon thjesht nje person te thjesht e per cfare per nje gervishtje makine....ca shteti esht ky kur ata vet po dhunojn popullin e thjesht ather ku te gjejn mbeshtetje njerezit e gjore...skandaloze