Tiranë, plagosen 4 persona gjatë një tentative vrasjeje

TIRANË- Një tentativë vrasje ka rezultuar me plagosjen e 4 personave, mesditën e sotme, në zonën e “Porcelanit”, në Tiranë. Burime nga policia e kryeqytetit bëjnë me dije, se një person i armatosur ka qëlluar mbi 4 persona , me qëllim vrasjen e tyre duke i lënë të plagosur.Dëshmitarë okularë, kanë theksuar për policisë, se atentatori ka qëlluar 3-4 herë ndaj personave, të cilët rrinin ulur në një lokal në këtë zonë të banuar, ndërkohë që është larguar me shpejtësi pas krimit.

Personat e plagosur, janë dërguar menjëherë në Spitalin Ushtarak, ndërkohë mësohet se një prej tyre, Shaqir Shtjefni, ka marrë plagë të rënda në gjymtyrë, ndërkohë është identifikuar edhe i plagosuri i dytë Bledar Haka. Blutë kanë ngritur postblloqe të shumta për kapjen e autorit, i cili është shpallur në kërkim.

Hetimet
Forca të shumta policie kanë mbërritur në vendngjarje, ku kanë rrethuar gjithë zonën, ndërkohë që kanë ngritur postoblloqe të shumta për kapjen e autorit, identiteti i të cilit nuk bëhet ende i ditur. Ndërkohë, po merren edhe dëshmitë e personave të pranishëm në lokal si dhe në zonën përreth të cilët bashkë me dëshminë e pronarit të lokalit do të mund të zbardhin motivet e ngjarjes. Nga hetimet paraprake mësohet se ngjarja ka ndodhurpas një konflikti banal, mes tre personave të plagosur dhe autorit të krimit.


lajmi vijon