Helmohen 14 nxenes me cokollata te skaduara prej 6 vjetesh

Klodiana Kotorri
Helmohen me cokollata dhe camcakeze 14 nxenes ne fshatin Lalm ne Tirane. Mesditen e djeshme, nxenesit po ktheheshin nga shkolla 9-vjecare te fshatit Lalm, Tirane, kur ne breg te lumit Erzen kane gjetur nje grumbull cokollatash dhe pako camcakezesh, te cilet ishin hedhur gjate nates. Femijet i kane konsumuar ato dhe pas disa minutash kane shfaqur shqetesime shendetesore. Prinderit e femijeve i transportuan ata me urgjence ne spitalin "Nene Tereza" ku tete prej tyre ishin me rende dhe iu nenshtruan mjekimit intensiv. Englant Sh., 12 vjec, Valbona K., 16 vjece, Olesia B., 8 vjec, Ergys B., 12 vjec, Klevis B., 9 vjec, Kristina U., 8 vjec, Franci Xh., 13 vjec dhe Gresi Xh., 12 vjece te gjithe banore te fshatit Lalm, nxenes ne shkollen 9-vjecare te fshatit Lalm, pasi moren serum u derguan ne banesat e tyre, ndersa gjashte femijet e tjere nuk paraqiten shqetesime te renda. Efektivet e komisariatit te policise nr. 6, pas sinjalizimit per helmimin e 14 nxenesve nisen menjehere hetimet. Burime nga policia thane se nxenesit e helmuar i adresuan efektivet ne vendin ku kishin gjetur cokollatat dhe camcakezet. Forcat e policise mberriten ne vendngjarje per te bere keqyrjen e provave. "Ne vendngjarje u sekuestruan dy thase me cokollata dhe camcakeze. Nga hetimet e para rezulton se nje mjet tip "dum-dum" ka hedhur gjate nates sasine e madhe te camcakezeve dhe te cokollatave ne breg te lumit Erzen ne fshatin Lalm te Tiranes. Ato jane gjetur nga nxenesit, te cilet i kane konsumuar ato duke ndjere me pas shqetesime shendetesore", - thane per gazeten "Koha Jone" burimet policore. Nga hetimet rezulton se camcakezet dhe cokollatat skadonin ne vitin 2006, cka do te thote se ato ishin skaduar prej gjashte vjetesh. Policia tha se nuk dihet cila firme i ka hedhur ato ne breg te lumit, por kane nisur hetimin per identifikimin e saj. "Policia ne vendngjarje sekuestroi dy thase te mallit te skaduar, i cili ishte hedhur ne menyre te jashteligjshme nga persona ende te panjohur. Dyshohet se sasia ka qene me e madhe, por mund t'i kete marre lumi, ndersa malli i sekuestruar u gjet ne breg te lumit", - thane burimet policore, te cilat shtuan se eshte pastruar plotesisht vendi ku ishin hedhur camcakezet dhe cokollatat. Policia ka ushtruar nje kontroll ne te gjithe zonen per te identifikuar personat qe shkarkuan ne breg te lumit mallin e skaduar, ndersa ka marre ne pyetje disa persona. Sipas policise, nga keqyrja e vendit te ngjarjes rezulton se ka qene nje mjeti tip "dum-dum", i cili ka kryer shkarkimin e mallit te skaduar. Pas kryerjes se veprimeve ne vendngjarje, policia tha se materialet i kaluan prokurorise se Tiranes per hetime te metejshme.