Mesazhi në shishe gjendet pas 40 vjetësh…në mal

“Tim Taylor e ka ngjitur këtë mal, të enjten, më 17 gusht 1972, 13 vjeç. I lutem kujtdo që e gjen këtë letër, të më shkruajë’. Ky është mesazhi i lënë 40 vjet më parë në majë të malit të Suquoia National Park, në Kaliforni. Personi që ka gjetur letrën, të ruajtur në gjendje shumë të mirë, është një 69-vjeçar nga Oakland, me emrin Larry Wright: “Kur e gjeta letrën isha me nipin tim, -tregon ai për ‘Time’, – dhe mendova se autori i shënimit do të kishte dashur që dikush t’i përgjigjej letrës së tij, edhe pse kishin kaluar disa dhjetëvjeçarë qëkurse ajo ishte shkruar.

Dhe kështu, për zotin Wright fillon një mision i vërtetë: t’i kthejë mesazhin Tim Taylor. Adresa e shkruar në letër kishte pronarë të tjerë dhe kështu kërkimi i tij u spostua në web, por edhe këtu pa asnjë rezultat. Në këtë pikë, 69-vjeçari vendos të tregojë historinë e tij të çuditshme në të përditshmen lokale ‘La Cañada Valley Sun’ dhe brenda 7 ditëve aventura gjen zgjidhje.

“Kur e kam shkruar mesazhin, – tregon më pas Taylor, – kam qenë në një ekskursion me një grup boy skaut”. Historia e Taylor dhe Wright është trajtuar edhe nga disa gazeta amerikane dhe ka emocionuar të gjithë zonën.

po tpakten mir si qenka gjetur...