PS: Shqipëria në krizë energjetike

PS nisi bërjen publike të fakteve të cilat për opozitën, vërtetojnë se Shqipëria ndodhet e mbërthyer nga një krizë e thellë energjetike, e cila sipas deputetit Arben Ahmetaj, nuk është krizë liqeni apo e menaxhimit të ujit, por një krizë e thellë financiare që ka përfshirë të gjithë zinxhirin energjetik.

“Sot, konsumi ditor i vendit është 18 milionë Kwh në ditë dhe vetëm 6 milion këh prodhohet në vend. Kjo do të thotë që do të duhet të vazhdohet me importin e energjisë për 12 milionë kwh në ditë dhe për shumë e shumë javë që vijnë. Vlera në ditë e importit është 800 mije euro.Kjo do të thotë që KESH është i detyruar të importojë diferencën, sepse CEZ ka kohë që refuzon, apo nuk ka mundësi të importojë diferencën për shkaqe që do t'i bëjmë transparente në ditët në vijim.KESH do të detyrohet të marrë sërish borxh, duke thelluar më tej kolapsin e tij financiar. Vetëm muajin e kaluar KESH mori borxh nga bankat e nivelit të dytë edhe 50 milionë euro, me garanci nga buxheti i shtetit, me garanci nga taksat e qytetarëve shqiptar”, tha deputeti i PS-së, Arben Ahmetaj.

Deputeti Ahmetaj rikujtoi një deklaratë të ministrit të Financave për një borxh të ri në muajt që vijnë prej 100 milionë euro për të importuar energji, faturë të cilën sipas tij do ta paguajnë takspaguesit shqiptarë.

“Sot, borxhi në sistem, ku përfshihen borxhe të ndërsjellta të kompanive ndaj njëra tjetrës, borxhe ndaj furnitorëve, borxhe ndaj bankave, borxhe ndaj koncensionarëve, arrijnë në vlerën 1.2 miliardë USD. Një piramidë tjetër që kjo qeveri tenton t’i peshojë në kurriz sërish shqiptarëve.Qeveria nuk ka arritur të monitorojë sistemin por përkundrazi jo vetëm që nuk ka bërë punën e vet në menaxhimin e sistemit elektro energjitik, por ka kaluar barrën mbi konsumatorin shqiptar, mbi qytetarin e zakonshëm, mbi konsumatorin familjar, mbi biznesin shqiptar, si atë të vogël edhe atë të madh.Dua t’ju kujtoj se në 2005 çmimi i energjisë elektrike ishte (afërsisht 5.1 lekë për konsumatorin familjar), sot ai është 9.5 lekë mesatarisht, gati 200% më i shtrenjtë”, tha Ahmetaj.

Duke renditur disa shifra që lidhen me sistemin energjitik shqiptarë sipas Arben Ahmetajt jemi përballë skandalit të shekullit.
http://www.top-channel.tv/images/logo.png

"Jemi ne kriz gjithandej jo vetem kriz energjitike"