Benitez lëvdon karakterin e ekipit

Benitez lëvdon karakterin e ekipit

Menaxheri i Chelseat, Rafa Benitez, ka lëvduar karakterin e ekipit pas fitores së thellë ndaj Stoke Cityt në udhëtim.
Dy autogola nga Jonathan Walters dhe një gol nga penaltia i Lampard dhe një eurogol nga Hazard bënë që Chelsea të dalë me fitore të thellë nga Britannia Stadium, terren ku pak ekipe fitojnë.

“Mendoj se ishte ndeshje e vështirë në pjesën e parë dhe ishte një ndeshje shumë e mirë në pjesën e dytë. Ne e kemi ditur se do të jetë vështirë, Tony Pulis po bën punë të mrekullueshme dhe kam pritur një ndeshje shumë fizike”.

“Autogoli nga Walters ndryshoi ndeshjen dhe i solli ata në sulm, që neve na mundësoi të shënonim gola. Lojtarët e mi kanë treguar karakter dhe cilësi në të njëjtën kohë”, është shprehur Benitez.