Jetesa ne 2013-n, ja ku eshte më e lirë dhe më e shtrenjtë

aporti më i ri në lidhje me koston e jetesës nëpër botë për vitin 2013, i realizuar nga grupi ekonomik 'Economic Intelligence Unit" ka nxjerrë ato, që janë vendet më të lira e më të shtrenjta, për të jetuar. Mund të duket e vështirë për t'u besuar nga indianët, por Mumbai, bashkë me Karachin në Pakistan, ka rezultuar si qyteti me jetesë më të lirë në të gjithë rruzullin. Ndërsa në vendin e tretë qëndron një tjetër qytet indian, si Delhi, që është edhe kryeqenra e shtetit aziatik.

Ndërkohë, jetesa më e shtrenjtë është ajo Tokios, që ka spostuar Zyrihun në vendin e shtatë. Ndërkohë që bie në sy edhe jetesa gati "e ndaluar" në qytetet australiane të Sydney e Melbourn, që renditen në pesëshën e parë. Duhet thënë se Azia e Australia numërojnë 11 nga 20 qytetet më të shtrenjta, kundrejt vetëm 8 nga Evropa dhe vetëm 1 nga Amerika e Jugut (Venezuela). Kjo, e krahasuar me një dekadë më parë, duket se ka pësuar ndryshim thelbësor, përderisa atëherë ishin 6 qytete aziatike, 10 evropiane dhe 4 amerikane të përfshira në "Top-20".
Gjithsesi duhet thënë edhe se tashmë Azia ka edhe 10 nga qytetet më të lira: bashkë me Karachi, Mumbai dhe New Dehli janë edhe qyteti nepalez i Kathmandu (renditet i 4-ti) dhe kryeqyteti algjerian, Algjeri (i pesti). Në kuotë të njëjtë me Alegjrin renditet edhe një qytet evropian si Bukureshti në Rumani. Ndërkohë që më tej vjen qyteti i Kolombos nga Sri Lanka (i shtati) dhe qyteti i Panamasë (i teti). Në vend të nëntë edhe të dhjetë përsa i takon qyteteve më të lira gjejmë respektivisht Jeddah të Arabisë Saudite dhe Teheranin e Iranit. (WSJ)
Shtetet me jetesë më të lirë
1.Karachi (Pakistan)
1.Mumbai (Indi)
3.New Delhi (Indi)
4.Katmandu (Nepal)
5. Algjer (Algjeri)
5.Bukuresht (Rumani)
7. Colombo, Sri Lanka
8. Panama City, Panama
9. Jeddah, Saudi Arabia
10. Tehran, Iran.
Shtetet me jetesë më të shtrenjtë
1.Tokyo (Japoni)
2.Osaka (Japoni)
3. Sidney (Australi)
4. Oslo (Norvegji)
4. Melbourne (Australi)
6. Singapor
7. Zyrih (Zvicer)
8. Paris (France)
9. Caracas (Venezuelë)
10. Gjenevë (Zvicer).

Paris (France) shum e bukur e adhuroj parissin