Mos Hesht......

Mos Hesht…
Qenia njerëzore është e lidhur ngushtë me të shprehurin, me menyrat e ndryshme të të reaguarit, me fjalë dhe vepra. Në çdo moment kërkohet veprimi i tij ose fjala për të vendosur në lidhje me diçka. Që me krijimin e njeriut të parë e në vazhdim, ka pasur lidhje të dukshme apo jo me reagimin. Të flasësh, të veprosh, të reagosh sipas menyrave të ndryshme që të afrohet, apo që ti zgjedh do të thotë “Të Mos Heshtësh”. Por, populli thotë:
- Heshtja është flori.
Vetë heshtja në një moment tregon, shpreh, përcjell një lloj reagimi në raport me një gjendje, me një fakt apo diçka tjetër.
Heshtja në disa raste trajtohet si një institut më vete, që do të thotë që me anë të “heshtjes” mund të marrim miratimin në lidhje me diçka apo të anasjelltën.
Që në Epokat e Lashta njerëzimi ka treguar, se duke reaguar ka arritur t’ju bëjë ballë mundimeve, fatkeqësive të ndryshme nga dora e njeriut apo nga vetë natyra. Me kalimin e viteve kanë evoluar menyrat e reagimit, mjetet e reagimit, ajo çka i ka rezistuar kohës dhe besoj se nuk do të shuhet për aq sa ka jetë në Tokë është “Fjala”. Pra, menyra më e mirë është duke diskutuar dhe seleksionuar mjetet e ndryshme, gjithmonë për “Të mos Heshtur”. Fatkeqësisht populli shqiptar e ka provuar “në kurriz”, faktin e të qenurit i heshtur në periudha të ndryshme dhe për vite, dekada, shekuj… Fakte këto të dokumentuara që në periudha të hershme që nisin në Iliri, duke vazhduar ndër vite, deri në ditët e sotme, si p.sh: Pushtimet e ndryshme që i janë bërë trevave shqiptare, copëtimi i tyre, shtypja e egër e popullit nga Pushteti, mashtrimi ekonomiko-financiar në dëm të popullit, mospasja e kushteve më elementarë për jetësë në shek XXI, rreziku i jetës që na kanoset në çdo moment.
Të heshtësh, sot, do të thotë: Të të mbyllin gojën, të nëpërkëmbin, të marrin nderin, të marrin emrin, të vrasin.
Të sigurosh të drejtat e tua më elementare O Njeri:
Të drejtën e jetës,
Të drejtën e fjalës,
Të drejtën e të ngrënit,
Të drejtën e të nxënit,
Duhet të reagosh, të bërtasësh sa më fort të mundesh. O Sot, O Kurrë.

Mos Hesht - Fol
Mos Hesht - Vepro
Mos Hesht – Reago
MOS HESHT…

mos hesht por ngrihu aty ku duhet aty ku te drejtat nuk te zbatohen ndaj mos hesht