Pakistanezët “kontrabandë” në Kosovë

Pakistanezët “kontrabandë” në Kosovë

Tre pakistanezë ishin fshehur në një maune me mallra për të tentuar të hyjnë në Kosovë, por nuk ia arritën. Këtë e bënë me ndihmën e një kompanie turke e cila operon në Kosovë, ku me maune po sillnin material elektrik.
Oficerët doganorë i gjetën tre pakistanezët të fshehur në këtë maune edhe pse personat ishin fshehur në atë formë që vetëm me kontroll vizuale nuk mund të shiheshin.

Informatat sjellin deri tek dyshimet se personat janë me origjinë nga Pakistani, e që të tre janë arrestuar.

“Rritja e kapaciteteve dhe profesionalizimi i Doganës së Kosovës gjatë viteve të fundit është duke u dëshmuar në të gjitha aspektet. Ky rast tregon edhe një here se investimet në pajisjet moderne dhe në trajnimin e stafit rrisin aftësinë për tu përballuar me forma të ndryshme të kontrabandës”, ka thënë lidhur me këtë rast Drejtori i përgjithshëm i Doganës, Naim Huruglica.