Gjendet i varur në pemë një 11-vjeçar

nga Alberti Tue 5 Mar 2013 - 10:58

Gjendet i varur në pemë një 11-vjeçar

Një 11-vjeçar dyshohet se i ka dhënë fund jetës me vetëvarje sot pasdite në fshatin Zenelaj të Sharrës, në periferi të Kombinatit, Tiranë.
Mediat në Tiranë bëjnë të ditur se trupi i fëmijës A.H është gjetur rreth orës 18:15 minuta nga familjarët, varur tek një pemë. Mësohet se varja është kryer me litarin e kalit që kishte familja e fëmijës.

Ata kanë zbritur me urgjencë trupin e të voglit dhe e kanë dërguar në ambientet e ambulancës së Kombinatit. Prej aty trupi u dërgua në QSUT për t'iu nënshtruar një autopsie që do të japë përgjigjen e saktë mbi shkaqet e vdekjes.

Paraprakisht Policia po heton në pistën e vetëvarjes. Janë familjarët që të përlotur po japin dhe dëshmitë e tyre mbi orët e fundit që kanë kaluar me të miturin.

Dyshohet se fëmija ka ndërmarre vendimin ekstrem pasi i kanë bërtitur prindërit. Por do te jene hetimet ato qe do te zbardhin plotësisht ngjarjen e rendë.