Stramaccioni: Kovacic do të bëhet yll

nga Alberti Mon 18 Mar 2013 - 6:21

Stramaccioni: Kovacic do të bëhet yll

Trajneri i Interit, Andrea Stramaccioni, e ka lavdëruar 18-vjeçarin Mateo Kovacic, duke thënë se ai është një talent i vërtetë dhe sigurisht se në të ardhmen do të bëhet yll.
Zikaltrit shpenzuan 11 milionë euro për transferimin e talentit kroat nga Dinamo Zagrebi gjatë muajit janar. Kjo është një shifër e madhe duke konsideruar se sa i ri është mesfushori.

“Kam besim të madh në këtë djalosh. Vërtet kam dashur shumë që ai të vijë këtu dhe talentin e tij mund ta shohin të gjithë”.

“Mateo duhet të menaxhohet me kujdes. Ai është 18-vjeçar dhe pati një shqetësim në pjesën e dytë ndaj Tottenhamit të enjten”.

“Ai pasoi diku rreth 70 apo 75 topa dhe i gaboi vetëm pesë apo gjashtë prej tyre, kjo është e mahnitshme. Ai është një lojtar që tani duhet ta menaxhojmë me kujdes dhe sigurisht se do të bëhet yll në të ardhmen”, ka thënë Strama.