E ardhmja e Gomez, në duart e Bayernit

E ardhmja e Gomez, në duart e Bayernit

Mario Gomez është shprehur i kënaqur me jetën te Bayern Munichu, ndërsa ka thënë se klubi duhet të vendosë nëse ai do të qëndrojë ose do të largohet në fund të sezonit aktual.
Edhe pse e vazhdoi kontratën në vitin e kaluar, është spekuluar se sulmuesi gjerman do të largohet nga Allianz Arena në afatin veror.

“Nuk më pëlqejnë të gjitha ato pyetje rreth të ardhmes sime. Puna ime është të luaj futboll. Shefat e Bayernit janë ata që vendosin rreth të ardhmes sime”.

“Unë jam i lumtur te Bayern Munichu dhe nuk do ta nënshkruaja kontratën e re po të mendoja se nuk është zgjedhja e duhur”, ka deklaruar 27-vjeçari për Tuttosport.

Gomez ka qëndruar kryesisht në bankën rezervë këtë sezon, pasi Jupp Heynckes e ka preferuar Mario Mandzukicin në sulm.

Për më shumë, është thënë se trajneri i ri, Pep Guardiola, e ka miratuar shitjen e tij, sepse gjermani nuk është i përshtatshëm për sistemin e strategut spanjoll. Nga ana tjetër, Juventusi është i gatshëm që ta transferojë sulmuesin e spikatur.