Vaji i kërpit, pastruesi më i mirë i organizmit

Vaji i kërpit, pastruesi më i mirë i organizmit

Shumë njerëz e lidhin këtë bimë me efekte intoksikuese, e jo me efekte shëruese. Por, pas studimeve të shumta të farave të saj, ka ardhur deri te një përdorim i madh i vajit të asaj bime për qëllime ushqyese dhe kozmetike.
Qysh nga kohërat e lashta dihet për efektet shëruese të vajit të lirit, ullirit dhe ricinit, por kohëve të fundit gjithnjë e më shumë po përmenden trajtimet luksoze në të cilat përdoret vaji i kërpit (kanabisit).
Farat e kërpit janë shumë të pasura me acide esenciale yndyrore, proteina, karotinë, antioksidues dhe minerale të shumta, duke përfshirë kalciumin, magnezin dhe zinkun. Mu për shkak të tyre, vaji i kërpit e ka marrë epitetin e pastruesit më të mirë të organizmit. Ai e mënjanon ujin e tepërt nga organizmi, ndihmon në rregullimin e peshës trupore dhe ka efekt shërues në lëkurë, flokë dhe thonj.
Edhe pse bima e kërpit është e ndaluar, vaji i saj mund të gjendet në disa barnatore dhe është legal. Nëse dëshironi që të mbeteni në formë ose të forconi flokët dhe thonjtë, mjafton një lugë e vogël me vaj kërpi në ditë, qoftë duke e përdorur në sallatë, ushqime të tjera ose duke e pirë atë.