Marselino: U çlirova kur e tregova sekretin

Një ditë pas largimit nga shtëpia e “Big Brother Albania”, Marselino ka thënë se nuk e kishte pritur largimin në këtë kohë, sepse kishte hyrë me ambicien për të fituar. “Kur hyra në ‘Big Brother’ doja të fitoja, por përderisa ndodhem këtu, sot kam dalë në konkluzionin që sinqeriteti, dashamirësia dhe mirëkuptimi, pjesa korrekte e të qenit tamam njeri nuk është vlerësuar aq sa duhet, për vetë faktin se nuk isha tip elastik, që t’i bëja ballë provokimeve të tepërta që përdoreshin për të përdhosur figurën e kujtdo”, ka komentuar ai nga Fan Club Big Brother 6. I pyetur nëse është bërë viktimë e strategjisë së Anaidit, ai ka thënë se nuk mendon ashtu, ndërsa ka shtuar se aleancat janë ato që japin sukses në “Big Brother”.

Marselino ka konfirmuar se me gruan e tij, Liljana, ishte njoftuar përmes Facebookut. “Me atë u njoha me emrin tim dhe kemi pasur një kohë të gjatë që folëm, pastaj erdhi kontakti fizik, që iu vu kapaku si lidhje”.

Më tej, ai ka theksuar se pas komunikimit të sekretit, atë të zhigolosë, është ndier shumë i çliruar, sepse nuk kishte munduar t’ia thoshte gruas së tij në të kaluarën.

“Kam pretenduar që diçka që në sytë e mi, nuk isha krenar, edhe pse ishte sakrificë, këtë pjesë të dobët të jetës sime, ta mbaja për vete. Megjithatë, ajo periudhë, ishte një universitet për këtë që jam sot. Është e vërtetë që Liljana e mori vesh nga televizori dhe unë jam shumë i çliruar për këtë”, ka deklaruar banori më i fundit i larguar nga spektakli “Big Brother”.

PFFF I URREJ MESHKUJT E TILL GJEJA ME E ULET QE MUND TKET NJE MASHKULL