“Ngrirja në Prishtinë” (Video)

Disa të rinj, me organizim të Alb Imeri dhe Arlind Haredina, kanë realizuar me sukses një ngjarje interesante në Pallatin e Rinisë dhe Sporteve në Prishtinë, ku të gjithë pjesëmarrësit janë “ngrirë” për pesë minuta pa lëvizur dhe më pas kanë vazhduar sikur asgjë nuk ka ndodhur.
“Ideja ishte që pak a shumë të japim përshtypjen se është ndalur koha. Meqenëse nuk është realizuar më parë në Kosovë, ne morëm iniciativën për këtë ngjarje”, kanë thënë organizuesit.

E gjitha ngjarja është xhiruar, ndërsa në disa sekuenca të videos vërehen edhe reagimet e qytetarëve që kalojnë pranë “njerëzve të ngrirë”.