Ndotja e ajrit dhe kanceri te fëmijët

Ndotja e ajrit dhe kanceri te fëmijët

Ekspozimi ndaj ajrit të ndotur gjatë shtatzënisë dhe vitit të parë të jetës është lidhur me rrezik më të lartë nga sëmurja prej kancerit te fëmijët, kanë bërë të ditur shkencëtarët nga Universiteti i Kalifornisë.
Në studimin e tyre janë përdorur të dhënat për paraqitjen e kancerit te 3.600 fëmijë më të rinj se 6 vjeç dhe të dhënat për shkallën e ndotjes së ajrit në zonat ku kanë jetuar ata fëmijë.
Ato rezultate janë krahasuar me të dhënat e 3.600 fëmijëve të shëndetshëm. Është vërtetuar edhe sesi ndotja më e madhe e ajrit lidhet me rritjen shtesë të rrezikut nga sëmurja nga kanceri te fëmijët e asaj moshe. Rritja e rrezikut nga sëmurja ka qenë 5 për qind për leu kemi ndërsa deri në 15 për qind për kancer të testiteve dhe vezoreve.
Shkencëtarët shtojnë se duhet të bëhen analiza shtesë para se të konfirmohet lidhja shkaktuese ¬pasuese mes ndotjes së ajrit dhe rrezikut më të madh nga kanceri te fëmijët.

Shkencëtarët besojnë se kanë gjetur mënyrën se si të shërojnë një tip të kancerit të sistemit nervor tek fëmijët.

Neuroblastoma përbën rreth 7% të llojeve të kancerit të femijërisë si dhe shkakton një prej gjashtë vdekjeve të fëmijëve nga kanceri.

Shkencëtarët gjermanë supozojnë se bllokimi i proteinës së quajtur Aurora mund të kthej qelizat e kancerit në gjendje jo-malinje.

Studimi i botuar në zhurnalin Cancer Cell, ngritë shpresat për zbulimin e medikamenteve të reja për shërimin e kësaj sëmundje.

Neuroblastoma, sëmundje e gjetur më së shpeshti tek fëmijët nën moshën pesë vjeçare, është kancer i qelizave speciale nervore. Këto qeliza janë të përfshira në zhvillimin e sistemit nervor dhe indeve tjera.

Tumorët zakonisht zhvillohen në gjendrat adrenale, por mund të formohen edhe në indet nervore në qafë, gjoks, abdomen ose pelvis.