Arrestohen dy spiunë serbë

Arrestohen dy spiunë serbë

Policia e Kosovës ka arrestuar dy persona të cilët i ka zënë duke fotografuar objektin e FSK-së në qytetin e Gjilanit, si dhe objekte të tjera me rëndësi: fabrika, depo etj. Mbi ta rëndon akuza për vepër penale - spiunazh.
“Njësitet policore nga stacioni policor i Gjilanit me urgjencë kanë dalë në vendin e ngjarjes, ku edhe i kanë takuar dy të dyshuarit serbë, shtetas të Kosovës> D. D. (1986) si dhe S. N. (1971)”, ka bërë të ditur toger Ismet Hashani, zëdhënës rajonal i Policisë në Gjilan.

Gjatë intervistimit të të dyshuarve, të njëjtit kanë pranuar se kanë bërë fotografi rreth objekteve të FSK-së si dhe objekte tjera, por nuk kanë treguar qëllimin e tyre.

Që të dy të dyshuarit punojnë në fshatin Kuscë, komuna e Novobërdës, transmeton KP.

Të dyshimtit janë intervistuar nga ana e hetuesve policorë dhe me vendim të prokurorit të shtetit ndaj dy të dyshuarve të lartcekur caktohet masa e ndalimit për 48 orë, gjersa, sipas provave të gjetura dhe po me vendim të prokurorit, ata ngarkohen për veprën penale “spiunazh”.

Aparati me materiale tjera fotografike është konfiskuar si provë materiale dhe bashkë me deklarata të dëshmitarëve okularë do të dërgohen si prova në gjykatë.

serbet tvra me i pa mes sheshit nuk me intereson fare