Dafina: Blerja e klikimeve, një trend

Kohëve të fundit është praktikuar mjaftë shumë blerja e klikimeve nga ana e këngëtarëve të estradës sonë. Së fundi këngëtarja e njohur Dafina Zeqiri në kanalin e saj të ri në ‘You Tube’ ka blerë rreth 500.000 klikime. Ku 416.549 klikime më vonë, pas verifikimit, ‘You Tube’ ia ka fshire.Sipas burimit të gazetës, blerja e klikimeve nga promotori i tyre “Onairmusic” është bërë në mënyrë që fansat të mendojnë se kinse nën komandën e tyre bëjnë më shumë klikime. Dafina nuk pranoi të komentoj rreth kësaj çështje, duke dhënë pretekste se është shumë e angazhuar me punë.
Një pjesë e estradës sonë pohojnë se mënyrën e blerjes së klikimeve nuk e kanë praktikuar. Këngëtarja Mihrie Braha e quan të padobishme këtë fenomen dhe se sipas saj blerja e klikimeve në asnjë mënyrë nuk ndikon në rritjen e famës së këngëtarit.
“Këto klikime të cilat i blejnë disa nga këngëtarët tanë nuk i pëlqejë fare, madje po ja zërë për të madhe, sepse me ato klikime nuk rritet fama e një këngëtari. Unë nuk e kam praktikuar asnjëherë këtë gjë”, ka thënë ajo për “Zëri”.
Kundër këtij fenomeni është edhe këngëtari nga Maqedonia Berkan Beka i cili tërë suksesin e tij thotë ta ketë arritur me punë. “Të them të drejtën kur po e dëgjoj këtë skandal po turpërohem e lëre më ta praktikoj vet. Asnjëherë nuk jam munduar të punoj apo të arrijë suksesin me intervenim dhe nuk e kam ndërmend as në të ardhmen. Nëse nuk e ke tregu veten në kualitetin tënd, atëherë gjithçka tjetër është e kotë”, thotë ai.
Nëse arrin suksese në blerjen e klikimeve, suksese nuk mund të arrish edhe në mbrëmje muzikore. Këtë e thotë këngëtarja Arta Bajrami. “Kam dëgjuar për këtë blerjen e klikimeve, por thënë të drejtën kjo nuk është asgjë, më ka ndodhur pikërisht me kolege të mia të cilat kanë me miliona klikime në internet por që në koncerte nuk kanë dhënë rezultate të mira, sepse nëse publiku nuk e preferon një këngëtarë, atëherë nuk ka pse të shkojë më tej. Kjo blerja e klikimeve është vetëm sa për t’ia bërë qejfin vetit”, shprehet Arta.

dafina idhulli im katilja ime mke bo si vetten moj aman