Mjeku godet me grushte pacientin e operuar, i cili vdes pak më vonë

nga **An0nim** Thu 4 Jul 2013 - 2:37

Një ngjarje e pazakontë ka ndodhur në një qendër reaminacioni të një spitali në Rusi. Kamera e sigurisë së lartë ka filmuar një mjek teksa gjuan pa mëshirë një të sëmurë rëndë, të lidhur në krevat. Pacienti 45-vjeçar ndërroi jetë pak më vonë.

Mjeku Andrey Votyakov, pa precedent penal në të shkuarën, u “justifikua” duke thënë se shpërtheu në këtë mënyrë kaq të egër mbi pacientin, për të nxjerrë lodhjen e 24 orëve të fundit që ai ishte në shërbim.

Video tregon qartë shpërthimin e mjekut mbi të sëmurin e operuar në zemër, të cilin e goditi në kokë por edhe në zemër. Mesa duket, nuk ishte në dijeni se veprimet e tij regjistroheshin. “Ishte një ditë e vështirë, pas një shërbimi 24 orësh. Sapo hyra në dhomë, pacienti filloi të më shante. Kjo më nxori jashtë vetes. I kisha kushtuar shumë kohë këtij pacienti, por në vend të ndonjë fjale të mirë, mora vetëm fyerje. Lodhja bëri të vetën”, tha ai, duke vazhduar: “E godita përpara kolegëve të mi. Më pas vazhduam të kujdeseshim për të, por fatkeqësisht ndërroi jetë. Më vjen shumë keq për gjithë çfarë ndodhi dhe i kërkoj falje familjes së tij”, tha mjeku i penduar.

Ky incident ndodhi në muajin shkurt, por pamjet filmike u publikuan tani. Ashtu siç edhe pritej, mjeku u pushua nga puna. Kamera është marrë nga policia për të hetzar ngjarjen. Personeli është marrë në pyetje për të vërtetuar nëse vdekja e pacientit erdhi nga goditjet dhe a iu dha ndihma e duhur pas incidentit. Për më shumë, shikoni videon: /alb-observer.com/

nga **An0nim** Thu 4 Jul 2013 - 2:37

Mjeku godet me grushte pacientin e operuar, i cili vdes pak më vonë

Mjeku godet me grushte pacientin e operuar, i cili vdes pak më vonë

Re: Mjeku godet me grushte pacientin e operuar, i cili vdes pak më vonë