Kristiano Ronaldo u jep fund dilemave 'E ardhmja ime eshte te Real Madridi'

nga **An0nim** Sat 6 Jul 2013 - 0:10

Golat - Kristiano Ronaldo shkëlqeu te Mançester Junajtid, duke shënuar 118 gola në 292 ndeshje, por më pas e shkrumboi këtë statistikë sapo veshi fanellën e Real Madridit, duke shënuar 201 gola në 199 ndeshje me skuadrën spanjolle

Kristiano Ronaldo u ka dhënë fund të gjithë zërave për të ardhmen e tij, duke bërë të qartë se kishte vendosur që të vazhdonte të qëndronte te Real Madridi. Futbollisti ka harruar përkohësisht “trishtimin” e famshëm të fillimit të sezonit 2012-2013 dhe për momentin nuk po mendon për të lëvizur drejt Mançester Junajtid, siç është përfolur shumë në kohët e fundit.

“Mançester Junajtid është një klub, i cili ka qenë në zemrën time që nga momenti kur isha pjesë e atij klubi, të gjithë e dinë se kam pasion për atë skuadër. Por tani, e ardhmja ime është te Real Madridi dhe unë dua të vazhdoj të qëndroj aty”, deklaroi lojtari para gazetarëve në Monako, gjatë një aktiviteti promocional.

“Padyshim që unë pres me padurim të përmirësohem gjatë sezonit dhe ky vit nuk ndryshon nga paraardhësit në këtë aspekt. Do të mundohem të jem sa më i përqendruar gjatë gjithë kohës, për të synuar fitoren e kampionatit spanjoll dhe Ligën e Kampioneve, ashtu siç synojmë gjithmonë”, ishin fjalët e portugezit.

“Unë kënaqem duke luajtur në Spanjë, po bëhen katër vite që luaj aty dhe dua të vazhdoj ta bëj një gjë të tillë. Por kjo nuk është dita për të folur rreth së ardhmes. Tani është koha të qëndroj në plazh, të bëj masazh dhe të luaj tenis. Kur të jetë koha për të folur rreth të ardhmes sime, ju do ta mësoni të parët”, ishin fjalët që Ronaldo tha para mediave.

I ngacmuar nga gazetarët francezë rreth mundësisë së transferimit te Monako, Kristiano Ronaldo ka shpëtuar nga një situatë e sikletshme me një batutë. “Nuk mund të them se nuk do të vij asnjëherë në këtë klub, por për momentin jam i lumtur te Real Madridi. Ndaj tani për tani, në Monako do të vij vetëm për pushime”, deklaroi portugezi.

Kjo deklaratë e Ronaldos vjen në momentin kur dukej se portugezi ishte shumë pranë lamtumirës nga Real Madridi, me Mançester Junajtid, PSZH dhe pikërisht Monako që ishin gati të bënin oferta zyrtare për lojtarin. Duket se një ndikim të madh në këtë vendim ka fakti se madrilenët caktuan Karlo Ançelotin si trajnerin e ri, me italianin që ka bërë të qartë që në fillim se portugezi është një prej lojtarëve thelbësorë për këtë klub. Ndaj Ronaldo dëshiron të shohë vetë nga afër se si është të punosh nën drejtimin e teknikut italian, i cili vlerësohet mes më të mirëve në botë. Portugezi beson se me italianin, Reali mund të fitojë Ligën e Kampioneve dhe ai personalisht mund të rifitojë “Topin e Artë”, një mundësi që nuk do ta lërë t’i ikë lehtësisht nga duart.

Për këtë arsye, portugezi i ka dhënë udhëzime menaxherit Horge Mendes, që të refuzojë çdo ofertë që vjen në adresë të tij, ndërsa ka lënë në pritje edhe Real Madridin. Vetëm gjatë sezonit, duke parë ecurinë e ekipit, ai do të vendosë nëse do të rinovojë, apo do të largohet në vitin e fundit të kontratës nga madrilenët./shqiperia.com

nga **Anakonda** Wed 22 Oct 2014 - 19:58

sa i mir qe esht

Kristiano Ronaldo u jep fund dilemave 'E ardhmja ime eshte te Real Madridi'

Kristiano Ronaldo u jep fund dilemave 'E ardhmja ime eshte te Real Madridi'

Re: Kristiano Ronaldo u jep fund dilemave 'E ardhmja ime eshte te Real Madridi'