Humb jetën 30-vjeçari, e shtyp karrotreci

nga **An0nim** Sat 3 Aug 2013 - 0:05

Një person ka humbur jetën ditën e sotme pasi është shtypur nga një karrotrec. Ngjarja e rëndë ka ndodhur në orët e mëngjesit të sotëm në afërsi të vendit të quajtur Maminas. Një kalimtar ka gjetur vdekjen e menjëhershme pasi është aksidentuar nga një karrotrec.

Viktima i përket seksit mashkull rreth 30 vjeç, por nuk dihet ende identiteti i tij. Pas mbërritjes së policisë në vendngjarje, e cila ka bërë dhe ekspertizën e aksidentit, ka shoqëruar në ambientet e komisariatit drejtuesin e karrotrecit.

Drejtuesi është shtetasi Sokol Rraca, 45 vjeç nga Tirana.

Ndërkohë që, po punohet për identifikimin e viktimës, trupi i të cilit ndodhet në morgun e spitalit të Durrësit.

/Shekulli Online/ E.L/