Cila janë vendet më të frikshme në botë

nga Aristogata Mon 14 Dec 2009 - 4:11

Nëse
jeni në kërkim të fantazmave dhe vampirë vendi më i mirë është Rumania,
aty ku gjendet kështjella e kontit Drakula. Në rajonin e njohur si
Transilvani, në Rumani ju do të gjeni kështjellën “Bran”. Thuhet se
autori i këtij romani është frymëzuar nga pronari i vërtetë i
kështjellës princi Vlad. Vendi i frikshëm tashmë është një muzeum i
përbërë nga arkitektura gotike, me shkallë gjarpëruese dhe të ngushta.
Sidoqoftë bëni mirë të mos vizitoni vetëm kalimet nëntokë pasi do të
frikësoheni jo pak. Gjithashtu aty mund të shohin aktorë që vënë në
skenë historitë se si princi Vlad u priste kokën armiqve të tij.
Kështjella “Bran”, e cila ka dalë në shitje për 140 milionë dollarë
tërheq rreth gjysmë milioni vizitorë në vit duke nxjerrë një shumë prej
60 milionë dollarësh nga vizitorët.

Por
kështjella Drakulës nuk ju duke e frikshme sa duhet ka plot vende të
tjera që mund t’u shkaktojnë të ngjethura në mes të ditës me diell.
“Vendet e magjepsura po bëhen gjithnjë e më popullore. Në disa vende,
fantazmat janë kthyer një pjesë të marketingut”, shprehet Jeff
Belanger, autor i enciklopedisë së vendeve më të magjepsura në botë.
Kjo është dhe arsyeja pse në Luginën e Fjetur në Nju Jork, çdo tetor
vizitorët mblidhen për të parë një aktor që luan roli ne kalorësit pa
kokë. Vitin e kaluar në këtë luginë u mblodhën rreth 47 mijë vetë,
ndërkohë që këtë vit pritet që 70 vizitorë të mbërrijnë me rastin e
festave të Hallouinit. Vendet e frikshme vijojnë me katakombet që
gjenden në Paris të Francës. Në një vend të nëndheshëm gjenden trupat e
zhvendosur në shekullin e 18-të nga varrezat e qytetit. Për këtë arsye,
shumë vizitorë janë shprehur në kohë të ndryshme se kanë dëgjuar
pëshpërimat e fantazmave dhe i kanë parë ato t’u fanepsen.
Kështjella “Bran”
Brasov, Rumani
Thuhet se autori i “Kont Drakula”, Bram Stoker e ka bazuar romanin
me vampirë në personazhin e princ Vladit, i cili jetoi në kështjellë në
shekullin e 15-të. Stoker është frymëzuar pikërisht nga rrëfenjat për
dhunën e princ Vladit. Kështjella shërben akoma si një prej vendeve më
të frikshme në botë.
Kulla e Londrës
Londër, Angli
Thuhet se fantazma e Anne Boleyn, bashkëshortja e ekzekutuar e
mbretit Henri VIII, ecën në korridore duke mbajtur në duar kokën e saj
të prerë dhe duke kërkuar bashkëshortin e saj jobesnik, i cili e
ekzekutoi që të mund të martohej me një grua tjetër.
Katakombet
Paris, Francë
Këto gurë të mëdhenj gëlqerorë janë strehë e trupave të zhvarrosur
në shekullin e 18-të nga varrezat e tejmbushura. Radhë të tëra kafkash
dhe kocksh gjenden në mure dhe disa vizitorë pretendojnë se kanë parë
fantazma e dëgjuar pëshpërimat e të vdekurve të zhvendosur.
Zona 51
Nevada, SHBA
E vendosur në jug të Nevadës, Zona 51 është një zonë “top-secret” e
qeverisë që shërben si vend për testime të ndryshme ajrore. Por
njerëzit që banojnë rreth e rrotull shprehen të kenë parë vazhdimisht
ndër vite UFO. Kjo dhe ka tërhequr shumë vizitorë nga e gjithë bota, të
cilët shpresojnë të shohin ndonjë alien.
Lugina e fjetur
Uorçester, Nju Jork, SHBA
Çdo tetor vizitorët mblidhen këtu për të parë një aktor që
interpreton rolin e kalorësit pa kokë, sipas personazhit të romanit
“Legjenda e luginës së fjetur”. Aty mblidhen shumë vizitorë, zakonisht
ata që janë të pasionuar pas historive horror.
“Loch Ness”
Invernes, Skoci
Shumë njerëz drejtohen në “Loch Ness”, një liqen me ujë të pastër në
malet skoceze në kërkim të një krijese të pakapshme dhe me gungë në
kurriz. Ajo konsiderohet si një prej krijesave më misterioze dhe
legjenda e saj daton që në shekullin e VI-të.
Ferma “Monte Cristo”
Uellsi i ri jugor, Australi
Kjo shtëpi e ndërtuar në fund të vitit 1800 thuhet se banohet nga
fantazmat e dhjetë njerëzve që kanë vdekur aty. Ato përfshijnë një
vajzë të mitur të pronarit, një shërbëtore shtatzënë, të cilën e shtynë
nga ballkoni dhe të një kopshtari që u vra nga një vizitor që po vinte
në jetë filmin “Psycho”.