Lohan: KE po e “vëzhgon me llupë” Shqipërinë

Ambasadori i Komisionit Evropian në Tiranë, Helmut Lohan theksoi të enjten nga qyteti i Vlorës, se KE-ja po e vëzhgon Shqipërinë, ndërsa ka shtuar se një zgjidhje e shpejtë e krizës politike në vend do të ndikonte në hapat integrues drejt Bashkimit Evropian.
“Personi që në Komisionin Evropian që merret me zgjerimin komisioneri Shtefan Fule po e ndjek nga afër situatën në Shqipëri. Ai ka mirëpritur tryezën e thirrur nga presidenti Bamir Topi gjithashtu edhe dëshirën e të dyja palëve, kryeministrit Berisha dhe shefit të opozitës Rama për të marrë në konsideratë në mënyrë të përbashkët gjetjen e një zgjidhjeje për situatën”, tha ai.
Sipas Lohanit, janë pikërisht udhëheqësit politikë të Shqipërisë që duhet të gjejnë një zgjidhje dhe do ta bëjnë këtë padyshim duke patur parasysh të ardhmen evropiane të Shqipërisë si dhe interesat e vendit. /