Alajdin Abazi - anëtar i redaksisë së Enciklopedisë

Akademiku dhe rektori aktual i UEJL-së, Alajdin Abazi është propozuar dhe caktuar për anëtarë të ri të redaksisë së re për “Enciklopedinë” e re. Ai është caktuar nga njësia e Akademisë së Shkencave dhe Arteve Maqedonase (ASHAM) për shkenca matematiko-natyrore.
“Po është e vërtetë se jam nominuar, por ende janë disa dilema të papastruara sa i përket asaj se a do të hartohet enciklopedi e re apo shtojcë e asaj të vjetrës, e cila do të përmbledhë vetëm pjesët që u kontestuan në enciklopedinë e parë. Unë i kam bërë me dije se do të hyjë këshillin e ri redaktues, por të mos çuditë kur do të tërhiqem nëse nuk respektohen kërkesat e mija për hartimin e enciklopedisë së re të Maqedonisë”, ka theksuar Abazi për agjencinë e lajmeve INA.
Ai ka thënë se si anëtarë tjetër i redaksisë duhet të jetë i zgjedhur edhe një personalitet shqiptarë, i lëmisë së kulturës, historisë dhe letërsisë shqipe. “Shpresoj se së shpejti do të ekipohet redaksia e re prej nëntë anëtarëve, në mesin e të cilëve do të jenë dy shqiptarë të niveleve akademike”, ka theksuar Abazi.