Banorët e Gërdecit nuk e falin Fatmir Mediun

nga Vizitor Mon 15 Feb 2010 - 5:44

"Nuk e fal Fatmir Mediun". Kështu ka deklaruar të hënën në Gjykatën e Lartë një nga të plagosurit e tragjedisë së Gërdecit, e cila kishte paditur ish-ministrin. Ky është rasti i dytë kur tentativat e gjykatës për të pajtuar Mediun me banorët dështojnë.
Seanca u zhvillua në Gjykatën e Lartë dhe ministri i Mjedisit Mediu nuk mori pjesë në seancën e pajtimit mes tij dhe banores së Gërdecit Alketa Hazizajt. Në Gjykatën e Lartë janë paraqitur vetëm dy avokatët e tij.
Trupi gjykues kryesohet nga Andi Celiku, ndërsa në përbërje të tij janë gjyqtarët Ardian Nuni, Irma Bala, Evgjeni Sinoimieri dhe Evelina Qiriako.
Kjo seancë pajtimore pason atë të 25 janarit, kur babai i 12 vjeçarit Roxhers Durda nuk pranoi ta falë Mediun, kështu që të përballet në Gjykatën e Lartë, organ i cili pak muaj më parë pushoi dosjen penale ndaj tij.