Robinho e sheh të ardhmen jashtë Cityt

nga **Binni** Thu 18 Feb 2010 - 11:28

Sulmuesi brazilian Robinho do të preferonte më shumë të qëndrojë në Santos se sa të rikthehet në Manchester City.

Pasi dështoi të ketë ndikim në Eastlands pas transferimit rekord të Ligës Premier nga Real Madridi në vitin 2008, braziliani u rikthye në vendlindjen e tij në muajin e kaluar si huazim deri në fund të sezonit.

“Santos është shtëpia ime, ndjehem shkëlqyeshëm këtu. Më pëlqen të luaj për Santos. Jam në vendin tim dhe afër familjes time. Dua të qëndroj këtu për sa më shumë që mundem”, ka thënë Robinho.

“Nëse do të pyetesha unë, do të qëndroja këtu për gjithë karrierën time, por kam kontratë me Manchester City dhe nuk duhet të harroj se klubi është sjellë mirë me mua. Ata më kanë mirëpritur dhe ishte shumë më ndryshe se në Madrid. Ata dëshironin të blejnë lojtar tjetër, dëshironin Cristiano Ronaldon. Ata më trajtuan si asgjë. Isha shumë i lënduar”, ka shtuar braziliani