AAK akuzon për abuzim me tenderin për targat

Ardian Gjini, nënkryetar i AAK-së, tha se Aleanca për Ardhmërinë e Kosovës akuzon publikisht Qeverinë e vendit për abuzim ekstrem me tenderin për targat e veturave në vend.
“ Një abuzim prej 1.5 milion euro është shumë i madh për Kosovën. Mos harroni se një abuzim i tillë është shumë i madh për Kosovën se buxheti i Kosovës është vetëm 1 miliard e pak. Dhe e tërë kjo ndodhë si pasojë e mosmarrëveshjeve në mes të qeverisë dhe ministrisë së punëve të brendshme rreth vjedhjes së këtyre mjeteve dhe e kanë lënë Kosovën pa targa të veturave”, tha Gjini.
Gjini tha se kjo mënyrë e qeverisjes po ndikon që investitorët e huaj të largohen nga Kosova. “Kjo metodë e punës e cila dëshmohet përmes këtyre dy punëve që e ceka më parë dhe tash përmes tabelave po e bëjnë Kosovën një vend në të cilin askush nuk do të investoj”, tha Gjini.
Gjini akuzoi qeverinë për ndërtim të një korrupsioni të koordinuar mirë që nga kreu i qeverisë i cili sipas tij ka filluar të kontrollojë edhe biznesin privat