Berisha akuzon Ramën për mashtrim

nga **Binni** Mon 11 Oct 2010 - 11:57

Përgjatë turit të tij në jug të vendit, kryeministri i Shqipërisë, Sali Berisha kritikoi ashpër kryetarin e Partisë Socialiste, Edi Rama, për mosvotimin e Projektligjit për Gjykatën Administrative.

Kryeministri tha se ky projektligj dhe ngritja e gjykatës ishin një ndihmë e Shteteve të Bashkuara për Shqipërinë, çka e bën akoma më të rëndë refuzimin e socialistëve për ta votuar.

“Të refuzosh ndihmën bujare dhe të kthesh një ligj të votuar nga Kongresi i vendit mik, nuk ka gjë më të turpshme e absurde. Tregoju zoti Rama shqiptarëve përse e bëre këtë. Mashtrove, ja përse”, tha Berisha.

Ai tha se Partia Socialiste e ka bllokuar miratimin e këtij projektligji në parlament sepse me gjykatën administrative Rama si kryetar i Bashkisë së Tiranës nuk vendos dot më 20% për ndërtuesit. Pavarësisht këtyre kritikave, kryeministri e ftoi Ramën për ta kaluar bashkërisht projektligjin.

Ndërkohë, të hënën paradite, kryetari i Partisë Socialiste është takuar me zv/ambasadoren e Shteteve të Bashkuar në Tiranë, Deborah Jones. Burime për Top Channel konfirmojnë se një nga temat kryesore të takimit ka qenë projektligji për Gjykatën Administrative.

nga **Poeti Dhimbjes** Mon 11 Oct 2010 - 12:12

Po ska cfare ben tjeter edhe ky i shkreti, sepse gjerat e tjera ia ka rregulluar te gjitha popullit, ndaj mundohet qe edhe ai ta kaloj kohen e lire qe e ka me teprice, duke u marre me akuzime e ku ta di une, qe me the e te thashe.
Po a politikane jane keto mor aman?!
Pothuajse kane gati 20 vjet ne politike, dhe per gjate gjithe kesaj kohe, vetem akuzime kundra njeri tjetrit bejne, se gje tjeter per popullin asgje.
Popullit i rrofshin vuajtjet dhe votat qe iu japin ketyre, se kurre gje nga keto ska per te marre...

Turpi i kombit, me cfare perfaqesohet ne politike...

Berisha akuzon Ramën për mashtrim

Berisha akuzon Ramën për mashtrim

Re: Berisha akuzon Ramën për mashtrim