Arrestohen aktivistët e “Vetëvendosje”, Konjufca, Hyseni e Maçastena

Komanda Regjionale e Policisë në Prishtinë ka arrestuar ditën e martë, aktivistët e lëvizjes “Vetëvendosje”, Glauk Konjufcën, Zgjim Hysenin në Prishtinë, ndërsa aktivisti i tretë, Blerim Maçastena, u arrestua në Podujevë në kohën teksa ishte duke mbledhë nënshkrime për peticionin kundër gjykimit të Albin Kurtit.
Që të tre, sipas lëvizjes “Vetëvendosje”, janë arrestuar pas një fletarresti të lëshuar nga Gjykata Komunale e Prishtinës. Fletarresti, sipas “Vetëvendosje”, është lëshuar të martën në mëngjes, por nuk dihen arsyet e lëshimit të tij.
Konjufca dhe Hyseni janë arrestuar në Gjykatën e Qarkut në Prishtinë në kohën kur kishin shkuar për të përcjellë procesin gjyqësor kundër liderit të tyre, Albin Kurti.