PDSH kthehet në Parlament!?

Partia Demokratike Shqiptare pritet që të premten të thërret Kuvendin partiak, ku kryetari i PDSH-së, Menduh Thaçi do të paraqes para kuvendarëve sugjerimet e faktorit ndërkombëtar për tu kthyer në Parlament, bëjnë të ditur burime partiake pran PDSH-së.
Mirëpo, jozyrtarisht mësohet se bojkoti nuk do të ndërpritet për shkak se deputetët e PDSH-së, nuk janë të gatshëm për tu kthyer në Parlament, pasi sipas tyre situata politike nuk është përmirësuar aspak.
Drejtuesit e PDSH-së, thonë se alternativa e vetme për të avancuar të drejtat e shqiptarëve që jetojnë në Maqedoni është Marrëveshja e re politike me palën maqedonase, që propozon kjo parti.
Partia Demokratike Shqiptare, bojkotin e ka filluar më 18 gusht të vitit 2009. Diplomatët ndërkombëtarë në vend disa herë i kanë bërë thirrje deputetëve të kësaj partie të ndërpresin bojkotin dhe të kthehen në Parlament.