Lushta thotë se ende nuk ka vendim për Gjakovën

nga Li12i-GG ARMY Thu 25 Feb 2010 - 0:29

Prishtinë, 25 shkurt - Sa i përket procesit gjyqësor rreth zgjedhjeve në Gjakovë, të kontestuara nga AKR-ja, përkatësisht Mimoza Kusari, kryetarja e KQZ-së Nesrin Lushta ka bërë me dije se ende nuk ka marrë ndonjë vendim zyrtar nga Gjykata Kushtetuese për rastin e Gjakovës.
“Nuk kemi marr asnjë vendim nga Gjykata Kushtetuese, seanca dëgjimore ka qenë, por as një vendim as me shkrim as me gojë nuk kemi marr. Edhe KQZ-ja edhe pala tjetër i kanë treguar argumentet e veta dhe nuk mund të paragjykoj se çfarë vendimi do të merret”, është shprehur Lushta.
Kjo e fundit e ka mbrojtur para Gjykatës Kushtetuese vendimin e KQZ-së për certifikimin e zgjedhjeve në Komunën e Gjakovës pa u përfunduar shqyrtimi i lëndëve të AKR-së në Gjykatën Supreme.