Topi dekreton ligjin për moratoriumin e skafeve

Presidenti Bamir Topi ka dekretuar ligjin "Për moratoriumin e mjeteve motorike lundruese të Republikës së Shqipërisë", miratuar në Kuvend në fillim të këtij muaji dhe shoqëruar me kundërshtinë e hapur të opozitës.
Sipas ligjit, shtyhet edhe për tre vite mospërdorimi i mjeteve motorike në det, liqene apo lumenjtë e vendit.
Mazhoranca e miratoi ligjin me 72 vota pro, duke kaluar kësisoj edhe ndryshimin e propozuar në komisionin përkatës për përjashtimin nga moratoriumi të motorëve të ujit.
Këtë propozim e kanë bërë vetë deputetët e mazhorancës në komisionin parlamentar të Sigurisë Kombëtare, pasi e kanë cilësuar si masë penguese për argëtimin e pushuesve ndalimin e përdorimit edhe të motorëve të ujit.
Kurse PS-ja është deklaruar që në fillim kundër tij, duke i kërkuar presidentit të mos e firmosë ligjin, e madje duke e çuar atë edhe në Gjykatën Kushtetuese