Joviq emërohet nënkryetar i FFK-së

nga Li12i-GG ARMY Fri 26 Feb 2010 - 1:34

Prishtinë, 25 shkurt - Serbi Predrag Joviq është emëruar nënkryetar i Federatës së Futbollit të Kosovës. Emërimin e tij e bëri të enjten Komiteti Ekzekutiv i FFK-së, është bërë e ditur përmes një njoftimi. Kjo federatë ka gjithsej tre nënkryetarë: një të zgjedhur nga Kuvendi, një të emëruar nga kryetari i FFK-së dhe një të emëruar nga Komiteti Ekzekutiv.
Komiteti Ekzekutiv në mbledhjen e së enjtes ka konstatuar se përgatitjet për fillim të stinorit pranveror janë duke u zhvilluar sipas parashikimeve.
"KE-ja u zotua që në stinorin pranveror nuk do të lejojë çfarëdo prishjeje dhe shkelje të rregulloreve e akteve normative të FFK-së", thuhet në njoftim.
Në mbledhje u formua edhe Këshilli Organizativ për mbajtjen e turneut "Adem Jashari" që përbëhet nga Agim Ademi, Bekim Haxhiu e Adem Çollakaj. Ky turne do të mbahet në futboll të vogël, ndërsa në vitet e kaluara është mbajtur në futboll të madh. Sipas njoftimit në fundjavë pritet të konfirmohen ekipet që do të marrin pjesë, ndërsa janë ftuar disa ekipe nga Turqia, Kroacia e Shqipëria.