“Termokos-i” i jep fund sezonit të ngrohjes

nga Li12i-GG ARMY Fri 26 Feb 2010 - 4:04

Prishtinë, 26 shkurt - Prej të hënës, më 1 mars, qytetarët e Prishtinës mbesin pa ngrohje qendrore, sipas një vendimi të “Termokos-it”.
Vendimi i Bordit të Drejtorëve për shkurtimin e sezonit të ngrohjes, që është dashur të përfundojë më 15 prill, pason paralajmërimet e njëpasnjëshme lidhur me situatën e vështirë financiare për shkak të inkasimit jo të kënaqshëm dhe të borxheve ndaj kontraktorit të mazutit, thuhet në një komunikatë për shtyp të ngrohtores së qytetit “Termokos”.
Sipas “Termokos”, konsumatorët, vetëm për dy sezonet e fundit kanë borxh mbi 3,26 milionë €, ndërkohë që vazhdimin e sezonit ngrohës e ka pamundësuar edhe borxhi ndaj kontraktorit të mazutit, që për shkak të rritjes enorme në Bursën Botërore, ka arritur shifrën 1,78 milionë €.
Me vendimin e menaxhmentit, NQ “Termokos” sh.a, me mjete vetjake do të vazhdojë furnizimin me ngrohje vetëm të Qendrës Klinike Universitare të Kosovës, si institucion më të ndjeshëm, gjithnjë me qëllim që të mos lërë në të ftohtë pacientët dhe personelin e atjeshëm.