OBSH: Pandemia akoma nuk ka kaluar

nga Li12i-GG ARMY Sat 27 Feb 2010 - 0:08

Gjenevë, 27 shkurt – Komiteti i krizës i Organizatës Botërore të Shëndetësisë (OBSH), i përbërë nga 15 ekspertë, vlerësoi se është herët të konkludohet për përfundimin e pandemisë së gripit të ri H1N1.
Komiteti vlerësoi, siç njoftoi zëdhënësi i tij Gregory Hartl, se për ardhjen te ky përfundim nevojitet më shumë kohë dhe informacione. Opinioni i Komitetit është këshillëdhënës, ndërsa vendimin përfundimtar duhet ta sjellë drejtoresha e përgjithshme e OBSH-së Margaret Chan, raportojnë agjencitë botërore.
OBSH, megjithatë, për disa javë ka konstatuar zhdukjen e pandemisë së gripit të ri H1N1, që ka shkaktuar vdekjen e rreth 16 000 personave nga prilli i vitit të kaluar, kur virusi u paraqit në kontinentin amerikan.
Në qershor të vitit të kaluar, OBSH ka deklaruar se virusi H1N1 ka shkaktuar pandeminë e gripit, të parën për më shumë se 40 vjet dhe ka ngritur nivelin e gatishmërisë në nivelin maksimal 6.