LSDM: Projekti “Shkupi 2014” do të kushtojë 200 milion euro

nga Li12i-GG ARMY Sat 27 Feb 2010 - 8:20

LSDM ka shprehur shqetësimin mbi realizimin e projektit ‘Shkupi 2014’ pas deklaratave se ai do të realizohet me 80 milion euro, në kohëzgjatje prej 8 vjetësh, raporton Alsat. Sipas përllogaritjeve të LSDM-së, i gjithë projekti do të kushtojë 200 milion euro, ndryshe nga çfarë deklaron Gruevski. Nga LSDM gjithashtu shtrojnë dilemat se çfarë përmendoresh do të vendosen konkretisht në qendër të Shkupit.
"Kemi deklarata të liderit të partnerit të koalicionit të VMRO DPMNE-së, se janë marrë vesh që në shesh të vendosen përmendore të heronjve shqiptarë. Tani askush nuk e di se si do të duket sheshi i Shkupit. Flitet se me këtë projekt, do të angazhohen më shumë punëtorë. Unë do të kisha thënë punëtorë do të angazhoheshin nëse ndërtohen edhe hidrocentrale, rrugë, objekte të energjetikës, hekurudha e gjithçka që mund të përmirësojë për një afat më të gjatë, jetesën e qytetarëve", deklaroi Andrej Petrov nga LSDM.