Propozimligji mbi Kryeqytetin përseri lë Tuzin pa komunë të plotë

nga Li12i-GG ARMY Sat 27 Feb 2010 - 9:34

Ulqin – Podgoricë, 27 shkurt-Propozimligji mbi Kryeqytetin - Podgoricën, në vend se të avancojë statusin e komunës urbane të Tuzit, shënon një hap pas, duke mos lënë vend për kompromis, konsiderojnë përfaqësuesit e lartë politikë të shqiptarëve në Mali të Zi.
“Zgjidhjet e propozuara të këtij ligji të ri edhe më shumë rrisin centralizimin.Këtë përvojë nuk e njeh demokracia ndërkombëtare,” ka deklaruar kryetari i Komunës Urbane të Tuzit, Nikollë Camaj,
Sipas funksionarit të lartë të Lidhjes Demokratike në Malin e Zi, parti e cila tash dy dekada angazhohet për komunën e pavarur të Malësisë me qendër në Tuz, me të njëjtin status sikur 21 komunat tjera në këtë vend.
Ky draft i ligjit së shpejti do të hyjë në procedurën e parlamentit, raporton KosovaLive.
Risia e vetme në të është kufizimi i mandatit të sekretarit të Komunës Urbane, i cili sipas Camajt, “duhet të jetë person që i përulet politikës”.
Kryeparlamentari i Tuzit apelon te malësorët që t’i mos i përkrahin më ata që kanë premtuar avancimin e Tuzit komunë e pavarur.
Unioni Demokratik i Shqiptarëve (UDSH) që participon në qeverinë malazeze, tash katër vite me radhë thotë se nëse gjendet ndonjë zgjidhje më e mirë do ta rishikojë statusin aktual të Tuzit si nënkomunë e Podgoricës. Por, lideri i UDSH, Ferhat Dinosha mendon se Tuzi nuk ka kapacitete ekonomike për të siguruar funksionim të komunës së mvetësuar.