Arrestohet kreu ushtarak i ETA-s

nga Li12i-GG ARMY Sun 28 Feb 2010 - 0:28

Madrid, 28 shkurt – Një prej liderëve më të lartë të grupit separatist bask ETA është arrestuar në Francën veriperëndimore, njoftoi Ministria e Brendshme e Spanjës.
Ibon Gogeascotxea është arrestuar me dy anëtarë tjerë të dyshuar të ETA-s në një operacion të përbashkët francezo-spanjoll në Normandi.
Grupi militant që lufton për një atdhe të pavarur bask, ETA, është fajësuar për më shumë se 820 vdekje gjatë fushatës 41-vjeçare në Spanjë.
ETA shpalli një armëpushim jetëshkurtër në vitin 2006, por e theu atë në dhjetor të atij viti.
Ministria e Brendshme spanjolle tha se Ibon Gogeascotxea ishte anëtari “më i lartë” i ETA-s dhe kreu i saj ushtarak.
ETA konsiderohet si organizatë terroriste nga BE-ja dhe SHBA-ja.