Tahiri: Hetimet pengohen nga njerëzit me imunitet

Dy dite me pare Departamenti Amerikan i Shtetit publikoi raportin vjetor mbi strategjinë ndërkombëtare kundër narkotikëve. Pasi vinte në dukje disa masa dhe arritje të qeverisë shqiptare në luftën kundër narko-trafikut, raporti vinte re se përpjekjet e qeverisë vazhdojnë të pengohen ndër të tjera edhe nga korrupsioni.
Duke iu referuar këtij raporti, të mërkurën Partia Socialiste akuzoi se hetimet për korrupsion pengohen nga imuniteti i njerëzve pranë kryeministrit Berisha.
“Mungesa e pavarësisë së gjyqësorit nga ndërhyrjet e ekzekutivit, mungesa e transparencës, paqartësia e procedurave ligjore si dhe imuniteti i qeveritarëve, janë faktorët kryesorë për kalitjen e kulturës se pandëshkueshmërisë, që sipas raportit të Departamentit Amerikan të Shtetit, shënohet me ‘raste që nuk zgjidhen kurrë”, u shpreh deputeti socialist Sajmir Tahiri.