Fule: Zgjidhni krizën

Në prag të vizitës së tij në Tiranë, me 19 mars, Komisioneri per Zgjerimin Shtefan Fyle ka bërë një apel të fundit për politikën shqiptare që të zgjidhë sa më shpejt krizën politike.

Në një njoftim të delegacionit të KE-së në Tiranë thuhet se Komisioneri për Zgjerimin dhe Politikën Evropiane të Fqinjësisë, Shtefan Fyle do të vizitojë Shqipërinë më 19 mars dhe perpara mberritjes deklaroi se “shpreson shumë që ngërçi që lidhet me pjesëmarrjen aktive në Kuvend të deputetëve të Partisë Socialiste të mund të zgjidhet para vizitës së tij.

“Do t'u bëja thirrje të gjithë udhëheqësve politikë që të punojnë së bashku në mënyrë që Shqipëria të çojë përpara reformat e duhura në të mirë të vetë qytetarëve të saj, si edhe në të mirë të aspiratave të saj evropiane", thuhet në njoftim.

Komisioneri Fyle do të takohet me Presidentin e Republikës Bamir Topi, me Kryeministrin Sali Berisha, me Kryetaren e Kuvendit Jozefina Topalli dhe me Kryetarin e Partisë Socialiste Edi Rama