Fule: Zgjidhja e “emrit”, eshte momenti i duhur

Komisioneri evropian per Zgjerimin, Shtefan Fule ka deklaruar nga Shkupi se tani eshte momenti i duhur per zgjidhjen e ceshtjes se emrit dhe nuk duhet humbur me kohe.

Duke folur pas takimeve te realizuara me zyrtare maqedonas, Fule eshte shprehur se mbeshtet plotesisht perspektiven evropiane te Maqedonise.

“Jam i perkushtuar per te ardhmen evropiane te Maqedonise. Zgjerimi eshte nje nga politikat afatgjata te BE-se dhe jam i bindur se ky eshte edhe celesi i ardhmerise se vendeve te rajonit”, ka pohuar Fule.

Ai ka theksuar se rekomandimi i KE per caktimin e dates per fillimin e negociatave per anetaresim duhet te interpretohet si nxitje per zgjidhjen perfundimtare te ceshtjes se emrit.

“Tani ekziston nje mundesi unike per te gjetur zgjidhjen e kesaj ceshtjeje dhe ky moment duhet te shfrytezohet”, ka shtuar Fule.