Kolonjë, shkon të mbledhë lule, gjendet i vdekur 53-vjeçari

/* */





KOLONJE – Një person është gjetur i vdekur nga disa barinj të zonës në fshatin Starie, rrethi Kolonjë, ditën e djeshme.
Sipas burimeve zyrtare nga policia e Korçës, mësohet se ngjarja ka ndodhur në vendin e quajtur Arat e Zalos, ku është gjetur i vdekur nga dy barinj shtetasi Sabri Saliko, i datëlindjes 25 maj 1957,lindur ne fshatin Kaduc te rrethit Kolonje e banues ne qytetin e Ersekes.
Nga ana e policisë menjëherë pas sinjalizimit për ngjarjen, u ngrit grupi hetimor dhe nga veprimet paraprake rezulton, se ky shtetas, në orët e para të mëngjesit të datës 21 mars 2010 kishte dalë për të mbledhur lule në kodrat mbi fshatin Starie.
Policia tha se nga deklarimet e familjarëve të viktimës, është mësuar se shtetasi Sabri Saliko, kishte rreth nje jave qe ankohej nga zemra,e cila e bllokonte ne frymemarrje.
Policia tha se ka bërë kqyrjen e jashtme të kufomës dhe ka rezultuar se ne trup nuk ka shenja të përdorimit të dhunës, apo përdorimit të mjeteve të forta, duke arritur në përfundimin se viktima ka pasur një vdekje natyrale.