Elbasan, gjendet i vdekur në banesë, 100-vjeçari Sherif Tafani

ELBASAN – Një person i moshës 100-vjeçare është gjetur i vdekur sot në banesën e tij në Elbasan.
Lajmi është bërë i ditur nga burime zyrtare të policisë së Elbasanit, të cilat thanë se viktima është shtetasi Sherif Tafani, 100 vjeç.
Ai jetonte vetëm prej disa kohësh ndërsa mëngjesin e sotëm është gjetur i vdekur në banesën e tij.
Policia tha se nga verifikimet e deritanishme, rezulton se vdekja e 100-vjeçarit ka ndodhur për shkaqet natyrale.
“Në trupin e viktimës nuk janë konstatuar shenja dhune, ndërkohë që kufoma po i nënshtrohet ekzaminimeve të Mjekësisë Ligjore”, thnë burimet nga policia.