Tentativë vrasje te pika e basteve, kapen 3 shqiptarë në Itali

PERUXHIA – Policia italiane arrestoi sot tre shtetas shqiptarë të akuzuar për vrasje të mbetur në tentativë.
Besnik Shabani, 28 vjeç, ka qenë i pari që ra në prangat e policisë ndërsa pas kërkimeve të mëtejshme, policia tha se arrestoi edhe shtetasin shqiptar me iniciale B.S, 22 vjeç dhe më pas është të dyshuarin e tretë për krimin, shqiptarin Albano Boci.
Sipas autoriteteve italiane, tre të arrestuarit akuzohen se kanë tentuar të vrasin 28-vjeçarin me iniciale S.G, banues në Faenza, i cili ndodhet në spital në gjendje të rëndë ku iu nënshtrua një ndërhyrje kirurgjikale si pasojë e plagëve të marra.
Edhe pse i plagosur ai ka arritur të tregojë se autorë të krimit ishin bashkëmoshatarët e tij.
Konflikti mes shqiptarëve ka ndodhur përballë një agjencie bastesh në Peruxhia ndërkohë që nuk është e qartë ende pikënisja e përplasjes mes tyre.
Shqiptari Albano Boci u arrestua ndrsa po qëndronte në shoqërinë e një shtetasi rumun, 25 vjeç i shpallur në kërkim për mashtrim.