Aksioni “Befasia” kap 180 kg drogë në afërsi të Lazaratit

GJIROKASTER – Policia bllokoi sot një ngarkesë droge në afërsi të fshatit Lazarat në Gjirokastër.
Aksioni është zhvilluar në orët e mëngjesit dhe gjatë veprimeve të policisë, sipas burimeve zyrtare u sekuestrua një sasi prej 180 kilogramë lëndë narkotike kanabis sativa.
Aksioni i policisë, i cili është koduar me emrin “Befasia”, arrestoi dy personat që po transportonin drogën, të cilët janë shtetasit: Harilaos Loli dhe Mirel Ademi. Ata po e transportonin narkotikun drejt malit të Sopotit.
Tri ditë më parë Ministri i Brendshëm Lulzim Basha së bashku me diplomat të huaj, kërkuan në Gjirokastër ashpërsimin e luftës kundër drogës duke bërë apel edhe për bashkëpunimin e pushtetit local me policinë.