Zbulohet edhe nje bunker armesh ne afersi te Bllaces

Pjesëtarët e forcave speciale të
policisë kanë zbuluar edhe një bunker me sasi të mëdha armësh dhe
municionit në afërsi të Bllacës pranë kufirit mes Maqedonisë dhe
Kosovës.


Sipas MPB-së gjatë ditës së sotme janë
sekuestruar granata, minahedhës ‘Zola’ dhe snajperë ndërkohë që forcat
policore po vazhdojnë të kontrollojnë terrenin.
Gjatë ditës së
djeshme po në këtë rajon policia kishte zbuluar shumë armë si mitralozë
të rëndë, mina anti-tank, granata-hedhës, raketa si dhe lloje të
ndryshme të lëndëve shpërthyese. Gjatë aksionit pati edhe shkëmbim
zjarri me personat që ruanin armatimin, por pas kundërpërgjigjes së
forcave të policisë ata ikën në drejtim të paditur.
Ministrja
Jankuloska sot prezantoi përpara medias armatimin e sekuestruar dje në
katër bunkerë.