Tiranë, arrestohen shpërndarësit e heroinës e kanabisit

TIRANE – Policia e Tiranës tha se ka arrestuar dy persona që mbanin lëndë narkotike të cilët akuzohen për shitje droge në kryeqytet.
Specialistët e seksionit kundër Drogës mëoshet se kanë realizuar kapjen dhe më pas arrestimin në flagrancë të shtetasi Rei Agim Vincani, 25 vjeç, banues në Tiranë.
Ai është ndaluar në rrugën “Kongresi i Lushnjes”, pas një pallati ku është kapur në flagrancë, pasi mbante me vete 8.6 gramë drogë e ndarë në 18 porcione e cila u sekuestrua në cilësinë e provës materiale.
Pas ekzaminimeve rezultoi se droga ishte heroinë. Burimet zyrtare nga Drejtoria e Policisë së Tiranës, bënë me dije gjithashtu se një tjetër person është arrestuar me akuzën e shitjes së drogës në kryeqytet.
Hasan Fatmir Demiri, 34 vjeç, u arrestua në flagrancë, pasi në rrugën “Beqir Luga”, u kap duke mbajtur në makinën e tij një sasi prej 114.4 gr lëndë narkotike “Canabis Sattiva”.
Policia tha se po vazhdon hetimet për dy rastet e arrestimeve në bashkëpunim me Prokurorinë.